Rampungan ulangan, wong tuane Betur diundang nang kepala sekolah.Gara-garane Betur dicurigai pas ulangan nyonto jawabane kartinem.
"Pak tulung kueh, si Betur diomongi ben angger ulangan aja sok nyonto, soale wis diomongi nang guru-guru Betur mbingsrung banget," Kepala sekolah sing jenenge Tagluk ngomong meng bapake Betur.
"Apa iya kayane anake inyong ora tau nyonto loh, anaku mbok pinter terus sapa sing dicontoni," Bapake Betur takon.
"Lah kae si kartinem sing sering dicontoni, bocah rangking siji nang kene," Kepala sekolah semaur.
"Terus buktine apa nek anake inyong sok nyonto maring si Kartinem kue," Bapake Betur takon.
"Kieh buktine, soal nomer 1, sapa patih kerajaan majapahit pas rajane hayam wuruk? Kartinem njawab Gajah Mada terus Betur njawab Gajah Mada." Kepala sekolahe nidokna soal sing ana lembar jawabane.
"Kuwe sih dudu bukti pancen jawabane sing bener Gajah Mada," Bapake Betur ngeyel.
"Tapi kie loh pak, pas soal nomer 2, sapa pahlawan sekang aceh? Kartinem njawab ora ngerti, lah si betur njawabe ko sing rengking siji be ora ngerti apa maning inyong," Kepala sekolahe nyritakna jawabane Betur.
Krungu kaya kue Bapake Betur langsung mrenges isin banget. (*)
Tidak ada komentar:
Posting Komentar